Chief Minister thusawi MPYCC-in an hrethiam lo

Congress party ṭhalaite chuan, chief minister Lalduhoma'n sorkar department-a SPIO-te ring tawk lo anga ngaih theih turin Assembly session-ah thu a sawi nia sawiin, an hrethiam lo hle tih an tarlang a, "Sorkar hnathawkte tihmual­phona leh ZPM sorkarin a hnuaia thawkte a rin tâwk lohzia a lang chiangah kan ngai," an ti.

MPYCC thuchhuah chuan, session-ah CM-in, RTI chhanna aiin Assembly House-a an sawi chu a dik zawk tih a sawi tih a tarlang a, "Hmanni lawka RTI zawhna an chhanna inang loah pawh ZPM party mualphona tur a nih dawn ai chuan an minister-te'n an enpui hnuah an duh angin an tidanglam zel dawn tihna a ni a, RTI zawhna chhànna pawh a him ta loah kan ngai," tiin, mak an tih thu a tarlang.