ZPM sorkar hnuah CMRF-ah Rs 2,01,29,031 a lut tawh

ZPM party-in sorkarna an siam ṭan, December 18, 2023 hnuah August 16, 2024 thleng khan Chief Minister's Relief Fund (CMRF)-ah Rs 2,01,29,031 a lut tawh a, Rs 1,04,48,700 hman a ni tawh.

Sorkar thuchhuah tarlan danin, December 18, 2023 aṭanga August 16, 2024 thlengin CMRF-ah pawl leh mimal hrang hrang 195-in Rs 2,01,29,031 an chhûng lut tawh a; sorkar hma­sa­a CMRF hman bâng Rs 5,20,049 nen Rs 2,06,49,080 a ni.

CMRF sum chu khawtlang mamawh leh harsatna phuhrûk nan te, damlo kan nan leh khawsak harsa ṭanpui nante hman a ni deuh ber a; December 21, 2023 aṭanga August 21, 2024 thleng khan vawi 236 hman tawh niin, sum hman ral zat hi Rs 1,04,48,700 a ni.