H1N1 enfiah nawnna result nghâk mek

New Delhi aṭanga Mizorama lo zin, H1N1 (Swine Flu) kai nia rinhlelh chu H1N1 a vei ngeia hriat a ni a, mahse enfiah nawn leh niin, a result nghah mek a ni.

Integrated Diseases Surveillance Programme (IDSP) nodal officer Dr Pachuau Lalmalsawma'n Vanglaini palai a hrilh danin, New Delhi aṭanga rawn zin hnam dang hi a khâk leh chil endik tura Kolkata-a an thawn hmasak chu National Institute of Cholera and Enteric Diseases-ah endik a nih hnuah H1N1 a awma (positive) hriat a ni. Mahse thil fel tawk lo a awm avang leh chiang zawka hriat a ngaih avangin sample thawn nawn leh a ni a, vawiinah result hriat beisei a ni.

H1N1 vei nia rinhlelh hnam dang hi Aizawl Civil Hospital-a ICU-ah enkawl mek a ni a, a dinhmun a ṭha vak lo nia thu dawn a ni.

He hnam dang pakhat bakah hian Mizoram aṭangin rinhlelh thil thuah mi palite khâk leh chil enfiah tawh a ni a, mahse H1N1 kai an la awm lo.

Hetih lai hian, Health department hotute chuan, H1N1 vanga chîâi lo turin Mizoram mipuite an ngen a; H1N1 awm dan leh a veite enkawl dan te, inven dante zau zawka mipuite hrilhfiah an tum thu an sawi.