KHAWTHLIR

CM leh NHM Director
National Health Mission (NHM) director CK Mishra chuan Nilaini tlai khan chief minister Lal Thanhawla chu a chenna bangla-ah a kâwm a, Mizoram a rawn tlawh chhan hrang hrangte a hrilh. Chief Minister hian Mizorama medical college din tura hmalaknaah chak zawka kalpui a nih theih dan tur a lo sawipui a ni.

Thisen pe
Lunglei Pick-up Owners Association chuan, nimin khan Lunglei Civil Hospital-ah blood donation camp an nei a, thisen unit riat an pe. Rethei zualte thisen pek a ngaiha thisen sawngbawlna man atan thisen unit nga hû, Rs. 2,750 an pe bawk.

Translation Award
Mizo Writers Association-in Translation Book Award an thlan mekah, a ṭha zual pathum an thlang tawh a; chungte chu - Lalthanpuii lehlin 'Chunglam ata thiltihtheihna' (Charles G Finney), Zothanmawia Khiangte lehlin 'Pathian thlamuanna (Billy Graham) leh Lalzarzova Khiangte lehlin 'The man eating leopard of Rudraprayag (Jim Corbett) te a ni.

Zirlai chawimawi
MZP, North Khawbung branch chuan nimin khan an huam chhunga nursery aṭanga pawl 9 inkara pakhatna aṭanga pathumnate chawimawina hun an buatsaih a, Champhai DC H Lalengmawia'n a hmanpui.

Nature conservation
Mizoram Hindi Training College (MHTC) NSS Unit leh Red Ribbon Club bultumin nimin khan an college-ah BIOCONE- Catch Them Young for a better tomorrow project programme hman a ni a, 'Nature Conservation Awareness Campaign' neih a ni. MHTC campus-ah BIOCONE member-te chuan sava bu an siamte thingkung­ah an dah nghal a, sava bute chu MHTC-in an enkawl chhun­zawm dawn a ni.