Mamitah khawpui faina zirho

UD&PA department chuan nimin khan Mamit Chhimveng YMA Hall-ah khawpui faina kawnga hmalakna kal zelah 'Urban sanitation & solid waste management' tih thupui zirhona an buatsaih a, Mamit DC Vanlalngaihsaka'n a hmanpui.

Workshop hi UD&PA director Zorammuana'n a kaihruai a; Vanlalngaihsaka chuan, khawpui faina ngaih pawimawh zel a ṭul tih sawiin, "Mamit district-a chengte'n faina kawngah ṭan kan lak chuan Mizorama district fai ber kan ni thei," a ti a; kalkhawm­te chu district khawpui fai ber ni tura theih­tawp chhuah turin a fuih.

Workshop-ah Lung­lei DUDO RL Zidinga, UD&PA joint director Vanlalmawia leh PL Lian­dinga, Khatla South ten thupui an sawi a ni.