Thawk rim ber, tuar nasa ber hriat tum turin Mizo mipui chah

MNF party chuan nimin khan an pisaah chhung inkhawm an hmang a; thusawitu MNF adviser Lalringliana, AMC executive corporator chuan, Zo fate'n leirem an rah theihna turin tute nge thawk rim ber, tute nge hrehawm tuar nasa ber tih hre thar tura Mizoram history en lêt turin mipui a ngen.

Lalringliana chuan, Mizoram mipui chu, MIzote'n leirem an rah theihna tura thawk rim ber, hrehawm tuar nasa ber hriat tuma Mizoram history en lêt tura ngenin, "Hnam hmangaihna rilru hi a ral thiang lo tih hre thar tur leh chu rilru chu kan put thar leh a ṭul. A hun mil zelin India sorkar hnuaiah awm rih mah ila, Mizo hnam puanzar hnuaiah ngei Mizo hnam hla kan sak hun hi a thleng ngei ang," a ti.

August 22, 2024-a AMC Ward-VI by-election tluang taka neih a ni chu lawmawm a tih thu Lalring-liana chuan a sawi bawk.