Climate change chungchang inzirtir

Department of Science & Technology - National Council for Science & Technology Communi-cation (DST-NCSTC) leh Mizoram University chuan August 19-23, 2024 chhung khan Khawzawl district-ah sik leh sa inthlak danglam (climate change) chungchang zirhona leh art exhibition an buatsaih.

Climate change chungchang hi inzirtirna hi Chawngtlai High School, Tualte High School leh Khawzawl High School-ahte buatsaih a ni a, ni khat zel hun hman a ni. MZU, Khawzawl FOCUS leh KVK-a mithiamte'n khawvela sik leh sa inthlak chhoh dan te, sik leh sa chingpenin ran vulh leh thlawhhma lakna lama nghawng ṭha lo a neih dan te, sik leh sa chingpen zel tihziaawm nana changpât leiṭha pawimawhna leh changpât leiṭha a siam dan te, sahbawn siam dante an zirtir a ni.

Nimin kan Khawzawla KVK hmunah zirlaite chu Hands-on-Demo neihpui an ni a, Art Workshop leh Exhibition buatsaih nghal niin, H/S zirlaite'n climate change chungchang zirtirna lam hawi lemziak hmanga an ziamte pho chhuah a ni.

DST-NCSTC hian climate change chungchang inzirtirna hi district pali-ah an buatsaih dawn a, district pathumah buatsaih tawhin, district pakhatah an la buatsaih leh dawn a ni.