Minister-in thawktu lak tharte a kâwm

Sports & Youth Services minister Lalnghinglova Hmar chuan nimin khan a pisaah Khelo India State Centre of Excellence (KISCE)-a thawktu lak tharte a kâwm a, KISCE chu Centre of Excellence a nih angin Mizoramah infiammi ṭha ber ber chher chhuaktu nih tum turin a chah. 

Minister chuan, "National Games chu sawi loh, North East Games-ah pawh Mizoram result a la ṭha tâwk lo a, mi dang kan lehpelh theih hmain, an pên ruala pên phawt turin theihtawp kan chhuah a ngai," a ti.