Health worker hlawh pe turin ngen

Health Multipurpose Service Association (HMSA) chuan thuchhuah siamin, health worker-te'n hlawhah harsatna an tawk tih an tarlang a; chinfelsak thuai turin sorkar an ngen.

HMSA chuan, an member, health worker hmeichhia 293, regular service ni tawhte'n kumin January leh February thla hlawh tun thlengin an la la lo tih an sawi a, March 31, 2015 ral hma ngeia pe sorkar an ngen a ni.

Health worker hmei­chhia 293-te hi kum 2003 aṭangin anmahni hriattir loin an Pay Head pangngai ni lo, Maintenance of Sub-Centre (CSS) FW hnuaiah mumal lo taka hlawh laktir an ni tih sawiin, HMSA chuan, "Kum 15 chuang a ngheta lo thawk tawh an nih angin, anmahni Pay Head tur dik tak non-plan hnuaiah a rang thei ang berin kan sorkar hian hlawh laktir tawh turin kan ngen a ni," an ti.

HMSA chuan, Main­tenance of Sub-Centre (CSS) FW aṭanga pawisa lo kal ṭhin chu regular service hlawh atana hmang tawh loin, thawktu thar lak nan hman ni tawh se an duh thu an tarlang bawk.