City bus terminal sawnna tur en

AMC executive coun­cillor Rosiamngheta leh Aizawl City Bus Owners Association hruaitute chuan, nimin zing khan Melthum rama city bus din khawmna (terminal) tur hmun an en. Ngaizela city bus dinna chu khawpui ṭhang zelah a tâwt ṭan avangin Mel­thum khaw dáia Silai Mual thlen hmaa ram âwl chu ciy bus dinna atana siam dan tur an en a ni.

Rosiamngheta chuan, city bus neitute chu stand tina an din hun pawt tawi turin a ngen a, Bawngkawn aṭanga Rangvamuala tlan tur bus ruahman tur te, Aizawl chhim aṭanga hmar lam thleng tlan a, stand tina ding ve lo tur expesss bus ruahman tur­tein a ngen bawk. A ngenna hi an ngaihtuah tur thu ACBOA hruaitute chuan an sawi.

ACBOA hruaitute sawi danin, tun dinhmunah Aizawlah city bus 260 vel a awm a, ni tin 170 vel a tlan ṭhin a ni.