MZU finance officer Vice chancellor-ah ruat

Mizoram University-a finance officer hna chelh mek, Prof. RP Tiwari chu Dr Harisingh Gour University (Central Uni­versity), Sagar, Madhya Pradesh-a vice chancellor turin ruat a ni a; MZU-a thawk lai zirtirtu zinga vice chancellor atana ruat hmasak ber a ni.

Prof. RP Tiwari hi NEHU (Mizoram Campus)-ah kum 1984-2004 chhung a thawk a, March 2004 aṭangin MZU-ah thawkin, finance officer hna bakah, School of Engineering and Technology leh School of Fine Arts, Architecture and Fashion Technology-ah dean ni mek a ni.