Mara kût - Lyuva Khutla hman a ni

Mara Autonomous District Council (MADC) hnuaia Art & Culture department buatsaihin nimin khan Saiha district khelmualah Mara kût, 'Lyuva Khutla' hman a ni a, Saiha bialtu MLA Dr K Beichhua'n a hmanpui.

Dr K Beichhua chuan, hnam zia­ráng vawng him thiam leh pho chhuak thiam ram leh hnamte chu hnam changkang an ni ṭhin tih sawiin, "Hnam ropui apiangin an hnam rohlute ngaihhlut nachang an hre ṭhin," a ti a; Lyuva Khutla lawm a nih dan leh Saiha mipuiin an ngaihhlut dan chuan a tihlawm thu a sawi.

Lyuva Khutla-ah hian Mara hnam lâm hrang hrang - Solakia, Zawchhy la, Hlichhy la, Pakhupi 0-do la, Azao la, Rakha tla, Bei la, Athih la, Khocheino la, Awkhypa la-te entir a ni a; heng lamte hi Saiha leh khaw pawna MTP branch hrang hrangten an entir a ni.