MPC-in hmathlir mumal nei loah puh

MPC party ṭhalaite chuan thu­chhuah siamin, tunlaia political party hrang hrangte'n Tuirial Hydro Electric Power (HEP) project an buaipui dan chu Mizoram tana hmathlir mumal an neih lohzia tichiangtua an ngaih thu an tarlang.

MPCY chuan, Brig. T Sailo kaih­hruai PC sorkar laiin Chhimtuipuiah kawlphetha megawatt 400 pe chhuak thei tur te, Tuivai HEP megawatt 210 pe chhuak thei tur te, Bairabi Hydel Project megawatt 160 pe chhuak thei turte an buaipui tawh tih an sawi.

MPCY chuan, tun hnaiah Congress sorkarin megawatt 60 pe chhuak thei tur Tuirial HEP a buaipui mek chauh thu te, Tuirial HEP chu MNF party-in an mualphopui thu te, ZNP ṭhalaite'n ZNP sorkar hunah megawatt 50 siam chhuak thei solar energy siam an tum thu an puante chu lungchhiatthlak an tih thu an sawi a, "Heng party pathumte tum dan aṭang hian ram intodelh tak takna a lang pha lo," an ti.

Kawlphethaa Mizoram chu MPC party tum leh nghahhlelh ber a nih thu an tarlang bawk.