Chanchin- ṭha Thlen Ni
Naktuk Pathianni hi Mizorama Chanchinṭha Thlen Ni a ni a, he ni pual hian Mizoram Presbyterian chuan tualchhung kohhran tinah hun an hmang dawn. Thupui tur chu - chawhnu inkhâwmah 'Kei heta hi ka awm, mi tír ta che' tih a ni a, zan inkhawmah 'Tuar huama Chanchinṭha hril' tih a ni ang.
Mizoram Synod chuan Chanchinṭha Thlen Ni-ah January 11 a hmang reng ṭhin a; kum 2012 Synod Inkhawmpuiin Mizorama Pathian thu hriltu hmasa berah Rev. William William a pawm avangin Mizoram leilung a rah ni, March 15, 1891 chu Chanchinṭha Thlen Ni ah a pawm a, March 15-ah hian kum 2014 aṭangin hman ṭan a ni.