Pawl 10 zirlaite thiamna teh dawn

India ram puma pawl 10 zirlaite kum tawpa an zir chhuah leh an thiam dan tehna, National Achievement Survey (NAS) chu Mizoramah pawh March 27, 2015-ah neih a ni dawn. NAS tih dan tur hi nimin khan School Education directorate conference hall-ah zirho a ni.

NAS chungchang zirhonaah hian RMSA hnuaia thawk, district programme coordinator-te an tel a; MBSE-a senior academic officer Sarah Lalengzami Pachuau-in NAS kalpui dan turte a sawifiah a ni.

NAS hi Mizoram chhunga high school thlan chhuah 283-ah kalpui a ni dawn a; chung H/S 283-a pawl 10 zirlaite leh zirtirtu pangate'n zawhna chi hrang hrang an chhang ang a, an chhanna chu NCERT, New Delhi-ah thawn a ni ang. NAS hi NCERT leh RMSA buatsaih a ni.