Champhai MJA-in conference hmang

Champhai District MJA chuan nimin khan Champhai Circuit House conference hall-ah Annual General Conference an hmang a, Champhai DC H Lalengmawia'n a hmanpui. Khawmpuiah hian resolution pathum pass a ni.

Champhai MJA resolution
• Central sorkar hmalaknaa ram pum huap beihpui thlakna hi lawmawm kan ti. Champhai district mipuite'n hei hi ngai pawimawh a, mahni veng leh khua ṭheuha faina kawnga nasa lehzuala hma la turin kan ngen a ni.

• Champhai-Zokhawthar state highway siam hna thawh mek a ni hi lawmawm kan ti. Mizoram district hrang hrangte zingah National Highway nei lo awmchhun kan nih avangin, Seling-Champhai kawngpui hi a rang thei ang bera National Highway-a min siamsak turin thuneitute kan ngen a ni.

• Mizoram district zinga internet signal nei chhe ber kan nih reng laia BSNL-in microwave hmang tura hna an thawk mek hi lawmawm kan ti. Hun rei tak aṭanga optical fibre hmang tura hma an lak pawh hi bawhzui thuai turin kan ngen nawn leh a ni.