CM hoin Planning Board ṭhukhawm

Mizoram State Planning Board chu nimin khan an chairman, chief minister Lal Thanhawla hoin CMO conference room-ah an ṭhukhawm a; Mizorama mumal zawk leh hlawk zawka Mizoram Skills Development Mission kalpui dan tur an sawiho.

National Skills Qualification Framework, kum 2018 tawp lam aṭanga ṭan tur atana inpuahchah dan tur an sawiho a; Framework hi remchanga hmanga Mizorama training leh education system siamṭhat leh tihhmasawn a nih theih nana ruahmanna siam dan tur kawng hrang hrang an ngaihtuah a ni.

Hmasawnna hna thawh vanga ramngaw tihchhiat ṭhina project kalpuitute'n an chawi ṭhin, Net Present Value of Forest Cover/Diversion avanga Mizorama hydro power project-in a tawrh theih dan leh hmalakna ṭul awm hrang hrang sawiho a ni bawk.

Meeting-ah hian Planning Board member-te bakah, minister pathum - R Romawia, H Rohluna leh Lalrinmawia Ralte te an tel a ni.