School fee chungchangah MSU-in sorkar nawr an tum

Mizo Students' Union (MSU) general headquarters chuan thu­chhuah siamin, sorkarin private school fee sang khuahkhirhna kawnga hma a la ṭha lo niin an tar­lang a, pawi an tih thu an sawi. Sorkarin dan a hmang ngam lo a nih chuan na zawkin sorkar nawr an tum thu an puang.

MSU chuan, private school fee chungchangah School Education deparment leh MSU-in kum 2013-ah inremna an siam tawh tih sawiin, an inremnaa private school fee sang khuahkhirh tura sorkar intiamna chu sorkarin a bawhzui ṭha lo hle niin an sawi a, "Sikul ṭhenkhat thla tin fee leh fee dang sang uchuak taka la an la awm reng avangin sorkar chu a dan neih chi hrang hrangte hmang ngam turin kan ngen a ni," an ti.