Lawngtlaiah hmeichhiate'n dan an zir

Lawngtlai District Legal Ser­vices Authority (LDLSA) buatsaihin March 13 khan Lawng­tlai Press Club-ah hmei­chhe kaihhnawih dante zirna an buatsaih a, Ai­zawla district chief judicial magistrate Sylvie Z Ralte-in a hmanpui.

Seminar hi Lawngtlai sub-hqrs MHIP president Vanhlupuii Fanai-in a kaihruai a; thupui chu 'Mipat hmeichhiatna kawnga hmeichhiate chunga suahsualna leh hremna' tih a ni.

Thupui sawitu Sylvie Z Ralte chuan, "Tun hma chuan hmeichhiate chan a chhe hle ṭhin a, hmeichhiate chungah mipate'n suhsual rawng an báwl fo. Dan hriatna a la tam loh avangin hmeichhiate chuan an tuar tlawk tlawk ṭhin a, tunah erawh chuan dan hnuaiah khauh takin hmeichhiate himna kalpui mek a ni," a ti.

Seminar-ah hian Lawngtlai khawpui chhunga MHIP leh Lai Women Association member-te an tel.