Kawng chhia vangin puan dum zár

Mizo Zirlai Pawl (MZP) sub-head­quarters, Tlabung chuan Lunglei-Tlabung kawng chhe lutuk vanga an lungawi lohna lantir nan nimin khan Tlabung aṭanga chhuak maxi-cab leh an khaw chhunga tlân lirthei hrang hrangah puan dum an zár.

Tlabung MZP tarlan danin, an khaw kawng a chhiat em avangin km. 90 vela thuiah maxi-cab chuan man Rs. 250 sên a ngai a, km. 90 chu darkar 5-6 chhung an tlân tlangpui. Kawng chhiat vang hian damlo Lungleia phurh ngaite pawh an phur ngam lo fo a ni.

Tlabung MZP chuan, an khaw kawng chu a rang lama siamṭha turin thuneitute an ngen a ni.