Duhoma'n a duh lo vengah zuar lui lo turin ngen

ZNP president Lal­duhoma chuan, nimina MLPC Act hnuaia zu zawrh ṭan chungchang sawiin, "Veng chhung leh khawtlangin an duh lo a nih chuan zuar lui lo turin sorkar kan ngen a ni," a ti.

Nimina Aizawla ZNP office-a inkhawmah thu sawiin, Lalduhoma chuan, "Aizawl khawpui veng hrang hrangah sor­karin zu a zuar dawn ta a, veng hrang hrangin an duh loh thu an sawi. A duh lo vengah chuan zuar lui lo turin ZNP chuan kan ngen a, khaw­tlang mipuiin an duh lo a, sorkarin a zuar lui a nih chuan an duh lohna chu ZNP-in kan hriatpui dawn a ni," a ti.

Kawlphetha chung­changah lalduhoma chuan, hydro electric power-in ramngaw, thing leh maute nasa taka a tihchhiat avangin khawvel ram changkang­ah an tlansan tial tial niin a sawi a, "ZNP a sorkar chuan kan ram lui zawng zawng zir chiang hmasain, tuikhuah tur uluk taka thlan a ni ang," a ti a; kawlphethaa an ngaih pawimawh hmasak ber tur chu - ni chakna (solar energy) hmanga kawlphetha siam a nih thu a sawi.