Rangvamuala leimin thian zo

February 16 aṭanga thenfai ṭan Rangvamuala leimin ṭhin chu Pathianni chawhma lam khan thehfai a ni a, Pathianni vek chawhnu aṭang khan lirthei chi tin kaltlang theia hawn a ni.

Kawng thenfai hna hi zing dar 6 aṭanga tlai dar 6 thleng thawh ṭhin a nih hnuah duh anga thawh chak theih a nih loh avang­in zing dar 6 aṭanga zan dar 10 thleng thawh leh a ni. Leiminna laiah hian kum­in fur ruahtui tlak hun­ah lei a min leh tawh loh nan lei min vengtu turin thir lena lung fun khawm hman tum a ni a, nimin aṭang khan lung lak khawm a ni.