Serchhip Disaster Management Plan sawiho

Serchhip District Disaster Management Authority (SDDMA) chu nimin khan an ṭhu­khawm a; Serchhip dis­trict-a chhiatna thleng thei hmachhawn dan tur ruahmanna 'District Disaster Management Plan' an sawiho a, Ser­chhip district-ah ram tihkan vangin FIR pathum theh­luh a ni tawh a, ram tikângtute pawh man an nih thu an tarlang.

District Disaster Management Plan hi sawiho a nih hnuah, siamṭhat ngai laite a rang lama siamṭhat a, belh leh paih ngaite chinfel vat ni se, an ti. Department zawng zawngte chu DDMP-a an mawhphurhna leh chanvo tarlante uluk taka zir chianga, rawtna leh sêlnate a awm chuan a rang lama DDMA-a hriat­tir tura ngen tum a ni.

Meeting-a hian, chhiat­rupna a thlena hman tur bungraw dahna hmun (storage room) chu a chêp thu leh, rîk­rum thilah hmanraw lak chhuah zung zung a harsat thu sawi lan a ni a; storage room thar neih dan ngaihtuah ni se, an ti.