Kawtchhuah Ropui - Adarsh Monument

Ministry of Culture chuan, Vangchhiaa 'Kawtchhuah Ropui' chu 'Adarsh Monuments' atan a puang. Kawtchhuah Ropui hi Archaeological Survey of India pawhin 'National Importance' ah an lo puang tawh a ni.

INTACH, Mizoram Chapter convener P Rohmingthanga sawi danin, ASI-in India rama heritage monument leh site 3,680 an humhalh zingah Adarsh Monument-a tel phak chu 25 chauh a ni a; hmun sawm dang tih belh tur zingah Kawtchhuah Ropui hi a tel ve a ni. Adarsh monument-te chu a bik taka enkawl ṭhin a ni.