Taiwan mithiamten grape chìn enfiah

Champhai district-a hlâwk zawk leh ṭha zawk­a kiwi leh grape chìn theih dan tur enfiah tura Mizorama rawn kal, Taiwan mithiamte chuan nimin khan Khuangphah leh Hnahlana kiwi leh grape chìnte an enfiah.

Taiwan aṭang hian Taipei Economic and Cultural Centre asisstant representative Dr Hsu Hsin-Chiang, senior adviser Yih Show Chang leh asistant researcher (crop science) Dr Ming Te Lu-te an rawn kal.

Taiwan mithiamte hian huan an enfiah hnu­ah Khuangphah DC Rest House-ah lo neitute kâwmin, kiwi chìnnaa harsatna an tawhte leh a chinfel dan turte an sawipui.

Sorkar thuchhuah tar­lan danin, Taiwan mi­thiamte hi chief minister Lal Thanhawla leh Rajya Sabha MP Ronald Sapa Tlau ten hralh chhuah theih tura theirah thar chhuah dan kawng dap tura an ngen anga rawn kal an ni.