Kolasib tan sipai lak runpui

Sainik Welfare & Resettlement, Kolasib district chuan nimin khan an dincham an lawm a, an hun hmanpuitu CIJW dy. commandant, Brig. SK Ahuja chuan Kolasib district chhung ngeia sipai lak runpui a awm theihna atan Headquarter Recruiting Zone, Shillong a dawr tawh thu a sawi.

Brig. SK Ahuja chuan sipai lak runpui neih a nih hmain ṭhalaite an inpuahchah lawk theihna atan CIJW chu an inhuam reng tih sawiin, "Sipai bangte pawh englai pawhin ṭanpui kan inhuam reng a ni. CIJW hi Sainik Welfare & Resettlement kaltlangin dawr theih reng a ni," a ti.

Sainik Welfare & Resettlement, Kolasib district hi March 17, 2011 ah hawn a ni. Tun din­hmunah Kolasib district-ah ex servicement 416, an pasal (sipai) in an thisan avanga hmeithai 280 an awm mek.