Lirthei lian dan nan kawngah ban phun

Hnahthial khawpui chhim lam dáia NH-54 kawng tlahniam chu Hnahthial SP-in lirthei lian - HMV leh MMV-te tlân khap mah se, lirthei khaltute'n an zawm ṭhat loh avangin lirthei lian an tlan tlang theih loh nan leh lirthei tê chin leng tawh chauhin ban phun a ni.

Hnahthial SP thupek zâwm lo an awm ṭhin avangin kawngpui a chhe zual zel niin an hria a; hei vang hian lirthei lian an tlan tawh loh nan YMA Sub-Headquarters, Hnahthial hnuaia Vigilance and Monitoring Committee chuan lirthei tê chauh leng turin thir ban an phun a, a chung lamah ft. 7 leh a chanve-ah thîr an kham bawk.

Hnahthial Sub-Hqrs YMA Vigilance and Monitoring Committee chuan, lirthei lian tlan tlang theih a ni lo tih hriaa insiam rem turin lirthei khalhtute an ngen a ni.

Hnahthial YMA Vigilance and Monitoring Committee chuan, ruahmanna an siam chhan leh hma an lak chhan tarlangin, kawngpui chu Hnahthial district mai ni lo, Lunglei, Lawngtlai leh Siaha district tana kawng pawimawh a nih avangin lirthei tê chite'n an zawh reng theih nan a nih thu an tarlang.