YMA-in meth mûm 1,01,000 man

Central YMA Kumpuan Committee duty-te chuan August 24, Inrinni zing khan Tuikual South-a Temple Square maxicab stand-ah methamphetamine mûm 1,01,000 (kg. 9.907) an man.

CYMA Kumpuan Committee-in meth an man hi tualchhunga hralhna ang chuan Rs 45,45,000 vel hû a ni a; meth kawltu mi pahnih man nghalin, ruihhlo leh a neitua puhte chu Excise & Narcotics department hnenah an hlan.

CYMA Kumpuan Committee hian August 17-23, 2024 chhung khan heroin (no. 4) hawng 28 leh TicTac bûr 2, ganja fûn 6 leh codein bûr 1,013 an man a; ruihhlo kaihhnawihah mi 23 manin, Excise & Narcotics leh Police hnena an hlan bakah, home/centre-ah an dah ṭhin.

Kumpuan Committee hian August 9-16, 2024 chhung khan heroin (no. 4)hawng 22 leh TicTac bûr 147, ganja kg. 2.820 leh fûn 1, codein bûr 429, alprazolum mûm 59, Nap-10 mûm 48 leh tramadol mûm 60 an lo mah tawh bawk a; ruihhlo kaihhnawihah mi 72 an man a ni.