Agriculture Growth Centre sak lai endik

Mizoram State Project Monitoring Committee (MSPMC) chuan August 22, 2024 khan Tuikual South-a Agriculture Growth Centre tur sak mek an tlawh a, hnathawh dan leh in sak a ṭhat leh ṭhat loh an endik.

MSPMC team hi vice chairman R Lal Rinawma, IRS (Rtd.)-in a ho a; secretary Lalthanzuala Ralte, architech George Lalzuia, member dang - Lalbiakmawia Khiangte, Dr K Vanlaldinpuia leh task force Vanchhungi te an tel. Agriculture & Farmers Welfare director VLT Muana leh officer dang te, in satu NECS manager B Lalhruaizela ten an lo dawngsawng a ni.

Agriculture Growth Centre hi NEDP sum vbc. 43 senga sak tura ruahman a ni a, contractor chu Northeast Consultancy Services (NECS) a ni. November 22, 2022 khan sak ṭan niin, November 7, 2025-a sak zawh tur a ni a, 22% chiah sak zawh a la ni.