Huaisen lawmman ngaihven theih

Chhiatna leh chet­sualna laka mite chhan­him kawnga thawk ṭha­te tan, Jeevan Raksha Padak dilna hun hawn mek a ni a; a dawng thei tur leh phû nia inhriate tan Mizoram sorkara Home department under secretary hnenah July 27, 2015 ral hmain dilna thehluh theih a ni.

Rál leh chhiatna hrang hrang laka mi dangte chhanhimna kawnga thawk ṭha leh huaisen lawmman - Ashok Chakra, Kirti Chakra leh Shaurya Chakra-te pawh ngaihven theih a ni mek a; sipai, police leh civil mite tan dil theih niin, April 15, 2015 ral hmain Home department under secretary hnenah dilna thehluh theih a ni.