Vawk Rs. 98,000 man la lut dawn

AH&Vety minister C Ngunlianchunga chuan MNF member Lalruatkima zawhna chhangin, India ram pawn aṭangin vawk notê 50 vel lak luh tum a nih thu leh, vawk note pakhat chu Rs. 98,000 man a nih thu a sawi.

C Ngunlianchunga sawi danin, ram dang aṭanga vawkte chah luh tum hi pure breed large white leh pure breed landrace a ni a; February 14, 2012-a SPAB rawtna angin, vawkte lalut turin SS Services Pvt. Ltd., Guwahati thlan a ni. Vawkte lakna atan Stan­dard Chartered Bank, Delhi-ah letter of credit hmangin cheng nuai 50 dah tawh a ni.

AH&Vety Minister sawi danin, vawkte an chah luh tur chu tuna Mizorama vawk vulh ṭhin aiin a ṭhang chak a, notê pawh a nei tam thei dawn a ni.