HSRP ṭhat leh ṭhat loh sawi thei lo

Transport minister John Rotluangliana chuan MNF member Lal­ruatkima zawhna chhangin, High Security Registration Plate (HSRP) chu sorkar laipui policy a nih avangin a ṭhat leh ṭhat loh sorkarin a sawi theih loh thu a sawi.

HSRP vuahin mo­tor bo tur a vên leh vên loh chungchang zawh­na chhangin John Ro­tluangliana chuan, "Motor bo tur vêng vek thei lo mah se, HSRP-ah hian non-replicable chromium hologram IND chuang a awm a, hei hi awlsam taka thlak theih a nih loh avangin eng emaw chen a vêng thei a ni," a ti.

John Rotluangliana tarlan danin, HSRP vuahna aṭangin Mizoram sorkarin kum 2012-13 aṭanga January 2015 thlengin Rs. 9,94,530 a hmu tawh. Kum 2012-13 ah Rs. 1,73,177, kum 2013-14 ah Rs. 4,58,953 leh kum 2014-15 (January 2015 thleng)-ah Rs. 9,94,530 hmuh a ni.