RMSA lab. attendant leh clerk-te bàn dawn

School Education minister H Rohluna chuan, pawisa a awm tam loh avangin RMSA hnuaia laboratory attendant leh clerk-te chu sorkar laipuiin bàn vek tura a tih thu House a hrilh a; chung mite chu mi 366 an nih thu a sawi.

MNF member Lalruatkima zawhna chhangin H Rohluna chuan, "Laboratory attendant leh clerk-te hi bàn an nih lohna atan PAB-a sawihonaah Mizoram official-te an ṭang nasa a, mahse, state mal tan tihngaihna a awm lo. Bàn an nih lohna atan hian Human Resources Development minister hnenah pawh ngenna kan thlen tawh a ni," a ti.

School Education Minister chuan, laboratory attendant leh clerk-te awm dan tur chu tun maiah chuan an la sawi theih rin loh thu House a hrilh.

MPC member Lalthanliana zawhna chhangin H Rohluna chuan, aided teacher-te tun hnaiah regularise tum an nih thu a sawi a, "Regularised tur hian hmalak mek a ni. DP&AR leh Finance department-te phalna a ngaih avangin regularised hun tur sawi theih a ni lo," a ti.