Thu dik lo sawiah MPYCC puh

ZNP ṭhalaite chuan thuchhuah siamin, Congress party ṭhalaite'n an press release-ah, Mizoram sorkarin state páwn aṭangin kawlphetha unit khat Rs. 9.02-in an la lut anga an tarlang chu thu dik lo niin an tarlang a, "Power leina man hi a to ber Doyang HEP (Nagaland) aṭangin unit khat Rs. 4.10 a ni," an ti.

ZNP ṭhalaite chuan, March 11, 2015-a MPYCC thuchhuahin Mizoram sorkarin kawlphetha unit khat Rs. 9.02-in state páwn aṭanga lei anga an sawi te, Tuirial HEP-a Mizoram chan tur 12% bâk chu unit khat Rs. 9 vela lei theih tur anga an sawite chu mak an tih thu an sawi.

ZNP ṭhalaite tarlan danin, Mizoram sorkarin state páwn hmun 16 aṭangin electric power a lei a, power a leina man to ber chu Doyang HEP (Nagaland) aṭangin a ni.