Communal Harmony secretary-in CM kâwm

National Foundation for Communal Harmony secretary Ashok Sajjanhar chuan Thawhlehni chief minister Lal Thanhawla chu a chênna inah a kâwm.

Ashok Sajjanhar chuan, Mizoram Uni­versity Academic Staff College-in an sawm anga Mizoram kal a nih thu sawiin, Mizoram chu ram ralmuang a nih thu leh entawntlak a tih thu a sawi a, "Hnam hrang hrang leh sakhaw hrang hrang vuantute boruak muanawm tak hnuaia an leng za thei hi a awhawm hle a ni," a ti.

CM Lal Thanhawla chuan, Mizoram chu India ram hmun dang mite tlawh tlem ber pawl a nih thu a sawi a; inhmelhriat tawnna tam leh inpawhna tamin inpumkhatna a tichak thei a, hnam hrang inkarah boruak muanawm a siam theih thu sawiin, "India ram inpumkhatna tichak turin a leilung fa, hnam hrang hrangte inkungkaihna ṭha siam a pawimawh hmasa a ni," a ti.