World Consumer Rights Day hmang

World Consumer Rights Day (March 15) pualin nimin khan Mizoram Consumers’ Union (MCU) leh Johnson College Consumer Club-in Johnson College-ah inkhawm an buatsaih a, Supply minister John Rotluangliana'n a hmanpui.

John Rotluangliana chuan, mipuite chu dam chhungin consumer an ni reng dawn tih sawiin, "Kan dikna leh chanvote ka hriat leh mi dang kan hrilhhriat zel hi consumer-te mawhphurna a ni, a ti a; mipuite'n thil an chîk a, dikna leh chanvo humhalh tura ṭan lak a pawimawh thu a sawi.

Supply Minister chuan, thil lei leh hralhah thil dik lo a awm chuan phun lungawi mai lo a, zualkona hmun - Consumer Union-ah te, District Consumer Forum-ahte lungawi lohnate thlen nacháng hriat a pawimawh thu a sawi a, "Consumer Forum-te hi engtik lai pawhin consumer-te puih an inhuam a, an inhawng reng a ni," a ti.

World Consumer Rights Day puala inkhawmah hian Supply additional director C Zasanga'n Direct Benefit Transfer of LPG nihphung a sawi a; MCU general secretary Dr Chawngsailova'n consumer-te dikna leh chanvo humhimna dante a sawi bawk.