AMC by-election-ah ZPM chak

August 22, 2024-a Aizawl Municipal Corporation (AMC) Ward-VI by-election neih zawh taka vote tlate chu nimin khan chhiar a ni a, ZPM candidate H Lalremtluanga, Chanmari West thlan tlin a ni.

AMC Ward-VI hian Chanmari West, Edenthar Veng leh Hunthar Vengte a huam a, candidate pathum an awm. Vote 4,691 a tla a, vote 2,354 hmutu H Lalremtluanga'n amah hnaih bertu independent candidate Lalrinfeli chu vote 81-in a hneh.

Lalrinfeli hian vote 2,273 a hmu a, BJP candidate Chawnghmingthanga'n vote 33 a hmu bawk. AMC Ward-VI hi AMC inthlanpui hnuhnung berah khan MNF chakna bial a ni.

H Lalremtluanga hnenah hian nimin khan he inthlana returning officer Mark Lalthanliana chuan thlan tlin a ni tih lantirna certificate a hlan nghal a ni.