Champhai Vengthar nu thattu nia hriat kum tling lo man a ni

August 25, Pathianni chawhma dar 10:30 vela Ṭhahleiiangi (54), Champhai Vengthar thattu ni ngeia hriat chu Pathianni zanah man a ni a, kum tling lo a ni.

Champhai Police aṭanga thu dawn danin, tualthihna hriat a nih veleh police-te'n a ṭul ang angte buaipuiin hnuchhui hna an ṭan nghal a; Pathianni zan dar 7:30 velah tualthattu ni ngeia hriat kum tling lo rawlthar pakhat an man a, kum tling lo a nih avangin Juvenile Justice Board (JJB) hnenah an hlan.

Tualthattu nia hriat hi kum 15 a ni a, September 2024-ah kum 16 a tling dawn. Ṭhahleiiangi a thah chhan chu pawisa vang nia hriat a ni a, Ṭhahleiiangi pawisa ip ah laia pawisa a la a, dawra pawisa erawh a la lo thung. Tualthahtua puh hnen aṭang hian Rs 2,000 vel hmuh lêt a ni.

Tarlan tawh angin, Ṭhahleiiangi (54) hi an in bula dawr chhungah thia hmuh a ni a, a taksaah chema zaina/sahna hnûhma a awm a ni.