CM leh AR hotu lu ber inkâwm

Chief minister Lalduhoma leh Assam Rifles director general (DG) thar Lt.Gen. Vikas Lakhera te chu August 25, Pathianni khan CM Bangla-ah an inkâwm.

CM Lalduhoma leh Assam Rifles hotu lu ber hian Aizawl khawpui laili aṭanga Assam Rifles battalion sawn chhuah chungchang an sawi dun a, a ṭul anga inbiak zui zel ṭha an ti.

An inkawm zawhah Assam Rifles-te hmunhma ṭhenkhat an tlawh nghal a; Chief Minister hi CM secretary Vanlaldina Fanai, private secretary Lalrinawma Khiangte leh mi pawimawh dangte'n an ṭawiawm a ni.