MSS officer training hawng

Department of Personnel & Administrative Reforms (DPAR) minister K Sapdanga chuan nimin khan Administrative Training Institute-ah '10th Foundation Training for Junior Grade of Mizoram Secretariat Service Officers' a hawng.

K Sapdanga chuan, Mizoram Secretariat Service (MSS) chu Mizoram sorkara post pawimawh tak a nih thu a sawi a, "In hna ṭheuhte rinawm leh taima takin thawk u la, in tihsual aṭangin inzir ṭhin ang che u. Nuam ti takin mipui rawng in báwl tur a ni," tiin, sorkar tan rinawm leh nghet taka ding turin a chah.

MSS Officers Junior Grade Training-ah hian mi 30 an tel a; hawnnaah hian Mizoram Secretariat Service Association (MSSA) president Betsy Zothanpari Sailo pawhin thu a sawi a ni.