AAP-in báng turin Manipur CM an phût

Aam Aadmi Party (AAP), Mizoram chuan nimin khan Aizawl Press Club-ah tuhthar thehdarhtute an kâwm a; Manipur chief minister N Biren Singh chu an state chhunga buaina chhuaka mawhphurtu berah puhin, bâng turin an phût tih an puang.

Mizoram AAP hruaitute chuan, May 3, 2023 aṭanga Manipur-a buaina chhuakah mi sang tam takin in an chán a, mi tam tak an thih thu te, rawng inthahna leh mi pawngsualnate a thlen thu an sawi a, "Tun hnaiah The Wire news-in Manipur CM Biren Singh ngei nia rin chu mi dangte nen an inbiakna voice recording an tichhuak a, Manipur CM thusawi hian kan rilru a tina hle a, buaina chawk chhuaktu leh a hnu zelah pawh ṭan lam neiin rorelna a hmang sual a ni tih finfiah a ni," an ti.

AAP tarlan danin, tape leak (The Wire News Youtube Channel)-ah Union Home minister Amit Shah leh Manipur CM Biren inbiakna ni ngeia lang tihchhuah a ni a; Manipur buainaa bomb tihpuah dan turte sawi lan a ni.

Mizoram AAP chuan, "CM Biren Singh hi a hna aṭangin báng se la, amah pawh hi thu zawhfiah ni rawh se. Audio viral-a an thil sawite kha a dik ngei tih finfiah ni bawk rawh se tih hi kan duh dan a ni," an ti.