School Education Dept. leh DDK-in Zirna Huang atan thuthlung ziak leh
School Education department leh Doordarshan Kendra (DDK), Aizawl chuan zirna lam thil pawimawh puan chhuahna 'Educational TV Programme (Zirna Huang)' chhunzawm turin nimin khan School Education directorate-ah thawh dunna thuthlung an ziak.
Nimina thawh dunna thuthlung an ziah hi School Education department leh DDK Aizawlin thuthlung an ziah vawi riatna a ni a; School Education aiawhin director Lalsangliana leh DDK Aizawl aiawhin programme head C Vanlalsiama ten hming an ziak.
School Education leh DDK Aizawl hi kum 2015 aṭangin Zina Huang TV programme atan an thawk dun ṭan a; School Education, SCERT, MBSE leh Samagra Shiksha-ten programme an siam ṭhin a ni.
Thawh dunna ziah thar hnuaiah hian kum khat chhungin DDK Aizawlah Zina Huang episode 52 tihchhuah tur a ni a; September 2024 aṭangin chawlhkar tin Ningani apiangin tlai dar 5:55 - 6:25 inkarah tihchhuah a ni ang. Kum 2015 aṭanga August 2024 inkarah khan Zina Huang episode 363 tihchhuah a ni tawh bawk.