Sept. 24-ah VC by-election nei dawn

State Election Commission (SEC) chuan, district pariatah September 24, 2024-ah VC by-election neih tur a nih thu nimin khan a puang. By-election neihna tur hi khaw 14 a ni a, general seat 19 leh hmeichhe tana hauh (reserved) seat pathum hnawhkhahna tur a ni.

VC by-election atan hian September 3 tlai dar 3 thleng chuh tumte tan hming pek luh theih a ni a, September 6 tlai dar 3 thleng inhnuhdawhna hun hawn a ni. September 24, 2024 zing dar 7 aṭanga tlai dar 5 thleng vote thlak hun hawn a ni dawn a, vote thlak zawhah vote tlate chhiar nghal a ni ang.