Kum 5 chhungin mi 8,972 refer

Health & Family Welfare minister Lalrinpuii chuan, sorkar kum liam ta kum nga chhungin Mizoram páwna inenkawl turin mi 8,972 kaltir (refer) a nih thu a tarlang.

Health Minister hian August 20-21, 2024 chhunga Assembly session-ah ZPM member VL Zaithanzama zawhna ziakin August 21 khan a chháng a; financial year kal ta kum nga - 2019-20 aṭanga 2023-24 chhungin Mizoram pawnah damlo 8,972 refer a nih thu a tarlang a ni.

Kum nga kal ta chhunga Mizoram pawna damlo refer zat chu - kum 2019-20 chhungin mi 3,125, kum 2020-21 chhungin mi 636, kum 2021-22 chhungin 1,246, kum 2022-23 chhungin 2,019 leh kum 2023-24 chhungin mi 1,946 an ni.