RAT kit thlen belh

Inrinni khan Covid-19 vei leh vei loh enfiahna Rapid Antigen Test (RAT) hmanrua (kit) 20,000 Mizoram a rawn thlen belh. Test kit hi Chief Minister's Relief Fund hmanga lei a ni.

Tun ṭuma RAT hmanrua lo thleng hi August 26, 2020 khan Delhi-a Mizoram House-ah dah a ni tawh a, a rang lama Mizoram panpui tum a nih laiin, West Bengal-ah total lockdown puan a nih avangin a rawn thlen tlai phah a ni.

Health department chuan, RAT kit-ah indaih lohna leh chatlak a awm loh thu an tarlang a, "Dan pangngaiin Covid-19 vei leh vei loh endik hna kalpui reng a ni," an ti.