Handholding Scheme hawng hnai

Chief minister Lalduhoma kaihhruaiin nimin khan CMO conference hall-ah Mizoram State Policy Coordination Committee an ṭhu a; September 2024 hian Mizoram sorkar flagship programme - Handholding Scheme hawn tum a nih thu tarlan a ni.

Ṭhutkhawmah hian thlai thar lei tur chungchanga hmalakna te, aieng proce­ssing unit, hmunphiah sawngbawl leh hmunphiah dahkhawmna tur (ware­house) chung­changa hma­laknate sawiho a ni a; Handholding Scheme chu September 2024-a hawn a nih veleh dil duhte tan dilna hun hawn zui nghal a ni dawn tih sorkar thu­chhuahin a tarlang.

Meeting-ah hian EFCCminister Lalthansanga, Agriculture & Farmer Welfare minister PC Vanlalruata, Commerce & Industries minister F Rodingliana, Horticulture minister Prof. Lalnilawma, adviser to CM Dr KC Lalmalsawmzauva leh hotu dangte an tel.