Lirthei exhaust pipe man sa tichhia

Lunglei police-te chuan lirthei ke hnih nei exhaust pipe (silencer) ring chi an man khawm 41 chu nimin khan Lunglei Police Station kawtah an tichhia a, roadroller an chîl chhiattir.

Lunglei SP J Lalmuankima chuan, lirthei ke hnih nei exhaust pipe an mante chu ri rin zawng tehnaa decibel 80 pêlte leh ri ring tura siam danglamte a nih thu a sawi a; dan bawhchhia an mante chu dan angin pawisa chawitir ṭhin an nih thu leh pawisa chawi tling khawmte chu sorkar sum báwmah thehluh a nih thu a sawi.

J Lalmuankima chuan, danin a phal loh exhaust pipe ri ring hmangtute'n mipui tan harsatna an thlen ṭhin thu sawiin, "Lirthei neitute hnen aṭangin dan ang taka man a nih hnuah court thu angin tihchhiat a ni," a ti a; exhuast pipe tihchhuahte chu thirchhia anga hralh lehin, sorkar sum bâwmah thehluh tur a nih thu a sawi bawk.

Lunglei traffic police-te chuan dan phal chin aia ring exhaust pipe hmang lirthei (two wheeler) an zawn chhunzawm zel dawn thu te, khawpui chhung bakah, lirthei khalhtute leh zin mite an him zawk nan national highway siam zawh tawh chinah ngawrh lehzuala duty turin hma an mek thu an sawi a ni.