Rs 1,62,720 hû meizial tiral

Siahaa Legal Metrology, Police leh Anti Tobacco Squad-te'n Siaha khawpuia dawr palia dan loa meizial zawrh an man báwm 2,712 chu August 27, Thawhlehni khan Siaha bawrhsap VL Hruaizela Khiangte hoin DC Complex-ah tihrîral a ni a, tualchhunga zawrha angin Rs 1,62,720 hû a ni.

VL Hruaizela Khiangte chuan, meizial báwm 2,712 man chuan mi tam tak nunna a chhan a beisei thu a sawi a, "Ṭha taka chhiah chawia zuar an awm laia chhiah chawi loa thil zawrh a ni hi a pawi," a ti.

Legal Metrology assistant controller R Lalnghakliana tarlan danin, meizial báwm 2,712-te chu March 21, 2024-a an man a ni a a, Valiant (V) báwm 2,112 leh Farstar báwm 600 a ni. A báwm aṭanga kheh hnuah a zawp ral thleng tuia phuh huh a ni a, bawlhhlawh paihnaah paih nghal a ni.

R Lalnghakliana chuan, meizial mante chu dan anga tiral turin man aṭanga ni 60 ral hnuah phalna lak a ngai a, Legal Metrology Controller-in phalna a pek hnuah District Magistrate awm laia tihral tur a nih thu a sawi.