Heritage Quiz Competition buatsaih

INTACH Mizoram Chapter leh School Education Directorate chuan INTACH Headquarters, New Delhi bultumin nimin khan School Education directorate conference hall-ah state level Heritage Quiz Competition 2024 an buatsaih.

Quiz Competition-ah hi high school zirlaite tana buatsaih a ni a, Aizawla sikul thlan 13 aṭangin zirlai 100 an tel a, pahnih zela inkawpin team 50-ah ṭhen an ni.

Quiz-a khuallian Lalsangliana, School Education director chuan, zirlaite chu Mizo hnam ro hlute humhalh kawngah ṭan la leh zual tur leh, regional leh national Level intihsiakna an hmachhawn leh turah theihtawp chhuah a, Mizo tihmingṭhatu nih tum turin a fuih. INTACH Mizoram Chapter convener Rin Sanga'n quiz buatsaih dan a sawifiah bawk.

Intihsiaka telte hi participation certificate pek vek an ni a; Mt. Carmel School-a mi Kriti Bandu Deb leh Stephen VL Rotluanga te inkawp chu pakhatna an ni.