MCAB-in nuai 2,217 pek remti

29th August, 2024

Mizoram Cooperative Apex Bank (MCAB) Board of Directors Meeting chu nimin khan an Head Office-ah an ṭhu a; chairman Lalnunsanga'n kaihruaiin, mimal loan cheng nuai 1,250 leh biak-in sakna loan nuai 967, a vaiin nuai 2,217 pek chhuah an remti.

MCAB hian branch 28 a nei mek a, nimina hotute ṭhukhawm chuan kum 2024 chhungin North Vanlaiphai, Siaha New Colony leh Ramrikawn (Aizawl)-ahte branch hawn belh an remti bawk. Sorkar kum kal mekah Apex Bank-in deposit cheng vbc. 1,522.10 an hmu tawh a, loan cheng vbc. 1,199.45 an pe chhuak thung a; credit deposit ratio (CD ratio) chu 78.8% a ni.